Les Francs-archers étaient une milice levée parmi les « gens de commun » pour venir à la guerre. Sa création date de 1425, selon le texte ci-dessous.
Nous avons coloré en rouge les passages les plus intéressants, notamment ceux concernant l'équipement demandé et les circonscriptions géographiques. Les lecteurs peu habitués aux documents anciens ne doivent pas se laisser rebuter par l'orthographe, les texte de cette époque sont assez compréhensibles si on prend le temps de les lire.
Ordonnance pour l'armement des gens du commun. Orig.
jad.
scellé en cire rouge sur s. q. (Bibl. de Nantes, f. Bizeul
; anc. Ar. de Rohan, Actes notables, n° 212). - Copie (Bibl.
nat., ms. fr. 22325, p. 837).- D. Lobineau, Il, 999-1000. - D.
Morice, Pr. Il, 1166-1167.
A Nantes, 1425, 20 mars. - « Jehan (...)
A
touz
(...) salut. Comme chascun prince et sgr doye estre songneux et
entantiffz à la garde et deffense de la seignorie qui de
Dieu lui est commise, affin que pour deffault de y veiller ne
soit par ses ennemis sourprins, Et soit ainsin que ceulx qui vouldroint
nuyre et porter grevance à nostre pays et duché,
plus courageusement s'avanceroint ad ce faire s'ilz savoint nostred.
pays estre despourveu de gens de deffence, Pour ceste cause, affin
de resister, o l'aide de Dieu, à ceulx qui nuysance porter
y vouldroint, avons voulu et ordrenné par deliberacion
de nostre conseill, voulons
et ordennons
que des gens de commun de nostre pays et duché, en oultre
les nobles, se mectent en apparoill promptement et sens delay,
[en la maniere et par l'ordrennance cy emprès
decleré],
Savoir est : de chascune
parroesse trois
ou quatre, cinq ou seix, ou plus [ou mains] sellon le grant et
quallité de ]a parroesse, [et qu'il
sera avisé
par les commissaires sur ce depputez, et que ce soint des plus
propices et convenables que lesd. commissaires sauront choaisir
er eslire pour la deffence du pays ;] lesquelx ainsin choaisiz
et esleuz soint garnis d'armes et abillemens qui ensuivent, quelx,
les fabriquors de chascune parroesse seront tenuz faire querir
aux despans d'icelle, savoir est : Ceulx
qui sauront tirer de l'arc, qu'ils aint arc, trousse, cappeline,
coustille, hache ou maill de plon, et soint armez de fors jacques,
garniz de laisches, chesnes ou mailles pour couvrir les braz,
et ceulx qui ne sauront
tirer de l'arc,
qu'ils soint armez de jacques et aint cappelines, coustilles,
haches ou vouges, et avecques ce aint paviers de
tramble
ou autre boais plus convenable qu'ils pouront trouver, et soint
les paviers longs à couvrir hault et bas ; [lesquelx
paviers,
harnoys et abillemens, yceulx fabriquors, aux despans des parroesses,
seront tenuz meictre en lieu sçeur et les garder
sçeurement
pour s'en aider quant mestier sera.
- Item, et que les
commissaires sur ce ordrennez
chargeront ceulx qu'ils auront ainsi esleuz en chascune parroesse,
de venir touz prestz et appareillez ès
lieux
que par la bannie, en chascune parrie, leur sera fait savoir de
par nous ; et retendront
lesd. commissaires
devers eulx les noms de ceulx qu'ils auront ordrenné et
choaisi estre armez en chascune parroesse, et les enveront en
beaulx rolles devers nostre mareschal, affin de
savoir
le nombre de ceulx qui se pourront trouver entour nostre pays
pour nous en aider, et les emploier touz ou partie, ainsi qu'il
en sera mestier. Et chargeront Iesd. commissaires les fabriquors
desd. parroesses que, s'aucun des esleuz alloit de vie à
trespassement, ilz choaississent autrcs ou lieu des decepdez,
o l'avisement des parroessien, qui servent et se aident du harnois
de ceulx qui deffauldront.
- Item, et ad ce que plus
courageusement ceulx qui seront
esleuz
servent quant la necessité en sera,
voulons et nous plaist qu'ils soint francs et exanps de guetz
et de tailles, et les en franchiczons et examptons,
nostre plaisir durant.
- Item, et ad ce que ceste
nostre ordrennance soit mielx et
plus promptement executée, commectons, ordennons et
depputons
par les eveschez, bailliaiges et juridicions de nostre pays, pour
y besoigner, vacquer et proceder par eulx, leurs commis et depputez
et substituez, ceulx qui emprès ensuivent, Iesquelx y
pourront
commectre autres qui auront povoir de y substituer ès lieux
où ils ne pourront vacquer de leurs personnes, savoir est]
: ès
eveschés de St Malo,
de St Brieuc et de Treguier, nostre
très chier
et bien amé cousin et feal le sires de Chasteaubrient.
Item, ès
terrouers de Porhouet
et de la viconté de Rohan, nostre
très
chier et trés amé frère et cousin le
conte
de Porhouet.
Item, en
l'evesché de Leon,
noz amiral et president, les sires du Chastel, de Carmaouan et
chascun.
Item, en
l'evesché de Cornouaille,
messire Henri du Juch, les sires de Rosmadeuc et de Polmic, [Jehan
de Benerven, nostre procureur general en Basse Bretaigne, et chascun].
Item, ou pays de
Vennes, hors les
terrouers de Rocheffort, de Rieux et de Reddon,
les
sires de Mollac et de Quer ; et esd.
terrouers de Rieux et Rocheffort et de la Gassilly,
nostre très chier bien amé cousin et feal Ie
sires
de Rieux ; et en Reddonnais, Tritan de la Lande, cappitaine de
Reddon ; et en
l'evesché de Nantes,
hors le terrouer de Guerrande, nostre bien
amé
cousin et feal le sire des Huguetieres, nostre mareschal ; et
oud. terrouer de Guerrande,
Jehan de Musillac, Jehan de St Gille et chascun.
Item, en Renais,
le sire
de Chasteaugiron, le viconte de la Belliere, messire Jehan de
St Gille, sgr de Beton, Bretram de Monboucher et chascun.
Item, ou terrouer
de Fougeres,
les chappitaine [et] seneschal desd. Iieux et chascun ; et en Vitreais, messires
Guillaume de
Sevigné, Roul du Boschet, Robert d'Espinay et chascun ;
et en Guierschais,
messire
Jacques Bonenffant ; et ou
pays de Marcillé,
Pierres de Tintiniac ; et en
Conbournais,
le sire de Combour ; en
Doulais,
messire Guillaume Levesque.
- Item, et que lesd.
commissaires ordrennent guetz et falloz
estre faiz sur les coustieres de nostre pays, ès marches
des annemis, ainsin que par l'avisement de ceulx du pays soit
regardé estre affaire. Auxquelx commissaires et substituez
avons donné et donnons par ces presentes plain povoir,
[auctorité de par nous et mandement espicial] de contraindre
et compeller [Iesd. fabriquors et commun desd. parroesses, de
querir lesd. harnoys et abillemens et obbeir à cestes noz
ordrennances ainsin que enjoignt le sera de par nous, sur certaines
et grosses paines et amandes peccunielles et autres, ainsin que
au cas appartendra, et de proceder à lad. conctraincte
à l'encontre desd. fabriquours et parroessiens par toutes
voies deues et resonnables appartenans en telle matere ; mandons
et commandons à touz et chascun noz subgiz, en ce faisant
obbeir auxd. commissaires et dilligeanment entandre.
- Item, comme
autresfoiz nous ayons
deffandu touz jeuz, sauff d'arc ou d'arbailestre, uncores de present
nous le deffandons sur paine de soizante soulz
d'amende
estre tauxez, prins et levez sur celui qui atemptera contre nostre
deffense, et mandons et commandons à nosd. commissaires
et aux juges des lieux ceste nostre deffanse faire tenir et garder,
et ausd. juges tauxer et punir les enfraignens, at à noz
procureurs les empoursuir et tenir en proceix affin de l'amende
dessurd.]
PAR LE DUC. -
Par le duc, de son commandement et en son
conseill,
ouquel : le comte de Richemont, le sire de Chasteaubrient, le
mareschal, l'admiral, [le vichancelier, le senneschal de Rennes,
l'archidiacre de Rennes, le doien de Nantes,] messires Robert
d'Espinay et Jehan de Lannuyon chers, Jehan Mauleon et autres
estoint. - DE TOUSCHERONDE. »
Huchehault
à travers les siècles
(animations toutes époques)